"కాలం - అనుకూలం
ప్రతిరోజూ పంచాంగం తెలుసుకొంటే ఈ క్రింది ప్రయోజనములు కలుగుతాయని శాస్త్రం.
తిథి - సంపదలు కలుగుతాయి (15 తిథులు: శుక్ల, కృష్ణ పక్షములలో) వారము - ఆయుష్షు పెరుగుతుంది (7 రోజులు) , నక్షత్రము - పాపము తొలగుతుంది (27 నక్షత్రములు) యోగము -రోగనివారణము (27 యోగములు) కరణం - కార్యసిద్ధి (11 కరణములు)
卐ॐ ఓం శ్రీ గురుభ్యోనమః ॐ卐
 మార్చి 19 2025 
శ్రీ క్రోధి నామ సంవత్సరం
ఉత్తరాయణం శిశిర ఋతువు ఫాల్గున మాసము కృష్ణ పక్షం

తిథి: పంచమి రా.9.09 కు తదుపరి షష్ఠి 20 రా.10.46 కు
వారం: సౌమ్యవారము (బుధవారం)
నక్షత్రం: విశాఖ సా.5.44 కు తదుపరి అనూరాధ 20 రా.7.58 కు
యోగం: హర్షణ సా.5:37 కు తదుపరి వజ్ర 20 సా.6:19 కు
కరణం: కౌలవ ఉ.11:25 కు తదుపరి తైతుల రా.12:37 కు
రాహుకాలం: మ. 12.00 - 01.30 కు
దుర్ముహూర్తం: దు: ఉ.11:59-12:47 కు
వర్జ్యం: రా.10.05-11.49 కు
అమృతకాలం: ఉ.10:56 - 12:44కు
సూర్యోదయం: ఉ.  6:10 కు
సూర్యాస్తమయం: సా. 6:08 కు

గురుబోధ:
అగస్త్యమహర్షిని రాత్రి పడుకునే ముందు తలుచుకొని పడుకుంటే దుస్స్వప్నాలు రావు, అపమృత్యుభయం ఉండదు, యమభయం ఉండదు. అగస్త్యుడు దక్షిణం దిక్కున నిలబడి రాత్రిపూట యమభయం, మృత్యుభయం లేకుండా చేస్తాడు. పూర్వం కొత్తగా వాహనములు తీసుకున్నప్పుడు అగస్త్యమహర్షిని తలుచుకొని, ప్రదక్షిణ చేసి అందులో ప్రయాణం చేసేవారు. ఇంటిలో నుండి బయటకు ప్రయాణమై వెళ్లేటప్పుడు అగస్త్య మహర్షికి నమస్కారము చేసుకొని (ముమ్మారు అగస్త్యం నమామి అనుకొని) ప్రయాణానికి వెళ్తే అటువంటి వారికి యాక్సిడెంట్ భయం ఉండదు.

"