About Brahmasri Vaddiparti Padmakar garu

పేరు : బ్రహ్మశ్రీ వద్దిపర్తి పద్మాకర్ గారు

తల్లిదండ్రులు : బ్రహ్మశ్రీ వద్దిపర్తి చలపతిరావు గార్లు , శ్రీమతి శేషమణి గారు

అష్టావధానాలు : 1224 పూర్తి చేశారు

శతావధానాలు : 11

1.ఏలూరు, 2.విశాఖపట్నం, 3.తాడేపల్లిగూడెం, 4.చల్లపల్లి, 5.గుంటూరు, 6.రాజమండ్రి, 7.నరసరావుపేట, 8.హైదరాబాదు, 9.సికింద్రాబాద్, 10.హైదరాబాదు, 11.సికింద్రాబాదు

జంట అవధానాలు : 8

శ్రీ కొండేపి మురళీ కృష్ణ గారితో కలిసి 6 మరియు శ్రీ శ్రీచరణ్ పాలడుగు గారితో 2

త్రిభాషా మహాసహస్రావధానం :

హిందీ అవధానం : సెంట్రల్ హిందీ డైరెక్టరేట్, ఆగ్రాలో హిందీలో అవధానం చేసి ప్రముఖులప్రశంసలు పొందిన ఏకైక త్రిభాషా మహాసహస్రావధాని: ఏలూరులో ఆంధ్ర, హిందీ, సంస్కృతభాషలలో చేశారు.

ప్రత్యేకత : 756 పద్యాలు కదలకుండా 207 ని॥లలో (3గం॥27॥ ని ॥లలో) ధారణ చేసిన ఏకైకసహస్రావధాని.

పరమేశ్వరానుగ్రహం

సమర్థ సద్గురువులు శ్రీ వద్దిపర్తి పద్మాకర్ గారి బాల్యంలో ఒక అపూర్వ సంఘటన జరిగింది. గణపవరంలో ఉంటున్న కాలంలో తండ్రి చలపతిరావు గారు పిల్లలకు తరచుగా తన కాశీ విద్యా విశేషాలు, కాశీ నగరంలో స్నానం, డుంటివిఘ్నేశ్వర, అన్నపూర్ణా విశ్వేశ్వర, విశాలాక్షీ కాలభైరవ, వేణుగోపాల దర్శన విశేషాలను కళ్ళకు కట్టినట్లుగా ఆయన వర్ణించటంతో తాను కూడా కాశీ వెళ్లి విద్యాభ్యాసం చేసి దేవతా దర్శనం చేసుకోవాలని ఆయనకు మనస్సంకల్పం కలిగింది. తల్లిదండ్రులు తనను కాశీ తీసుకువెళ్ళే ఆర్ధిక స్థితి కలవారు కాదు. సాహసించి వెళ్ళడానికి బాల్యం. దానికి తోడు ఆర్ధిక అస్వాతంత్ర్యం. ఎవరో కాశీ, భారత దేశానికి ఉత్తర దిక్కులో ఉందని చెప్పారు. ఆ రకంగా గణపవరానికి ఉత్తరం దిక్కులో చేబ్రోలు ఉంది. చేబ్రోలు వెళితే కాశీ వెళ్ళవచ్చని ఆ చిట్టి బుఱ్ఱకు తట్టింది.