Brahmasri Vaddiparti Padmakar Gaaruబ్రహ్మశ్రీ వద్దిపర్తి పద్మాకర్ గారు

బ్రహ్మశ్రీ వద్దిపర్తి పద్మాకర్ గురుదేవుల దివ్య జీవన కవన విశేషాలు:

త్రిభాషామహాసహస్రావధాని,ప్రణవపీఠాధీశులు, బ్రహ్మశ్రీ వద్దిపర్తి పద్మాకర్ గారు 1966 జనవరి 1వ తేదీన పశ్చిమగోదావరి జిల్లా జోగన్నపాలెంలో బ్రహ్మశ్రీ వద్దిపర్తి చలపతిరావుగారు, శ్రీమతి శేషమణి పుణ్యదంపతులకు జన్మించారు. బ్రహ్మశ్రీ వద్దిపర్తి చలపతిరావుగారు ఎనిమిది భాషలలో ప్రావీణ్యం కలవారు మరియు ప్రముఖ పండితులు. తల్లి శ్రీమతి శేషమణి  గారు సంస్కృతం మరియు హిందీ భాషలలో నిష్ణాతులు. 

బ్రహ్మశ్రీ వద్దిపర్తి పద్మాకర్ గారు చిన్నతనంలోనే తల్లిదండ్రుల నుంచి పాండిత్యం పుణికిపుచ్చుకున్నారు. వీరు తెలుగు, సంస్కృతం మరియు హిందీ భాషలలో ఎం.ఏ. పట్టభద్రులు. 1993 నుండి 2004 వరకు ఏలూరులోని సర్ సిఆర్ రెడ్డి విద్యాసంస్థలలో తెలుగు లెక్చరర్‌గా విధులు నిర్వర్తించారు. గణితశాస్త్ర అధ్యాపకులు, విభాగాధిపతి శ్రీ సముద్రాల వెంకట వేదాంతాచార్యులు, బ్రహ్మశ్రీ వద్దిపర్తి పద్మాకర్‌ గారి శతావధానం ప్రత్యక్షంగా చూసిన తర్వాత వారిపై పరిశోధన చేసి శ్రీ ఆచార్య నాగార్జున విశ్వవిద్యాలయం నుండి తెలుగులో పిహెచ్‌.డి. పట్టా పొందారు.

సాహితీ సింహావలోకనం:

1992వ సంవత్సరంలో ఆంధ్ర విశ్వవిద్యాలయం, భీమవరం పి.జి సెంటర్ మొత్తానికి ఎం.ఏ తెలుగులో ప్రథమస్థానం (ఫస్ట్ ర్యాంక్) సాధించారు. ఇలా అన్ని విశ్వవిద్యాలయాల నుండి ప్రథమస్థానమును పొందిన వారికి “బెంగుళూరు విద్యా సంవర్ధనీ పరిషత్” వారు “ఆంధ్రభాషాభూషణపరీక్ష” నిర్వహించారు. అందులో 14 విశ్వవిద్యాలయాల నుండి ప్రథమస్థానం పొందిన వారు పోటీలో పాల్గొన్నారు. ఈ 14 మందిలో మళ్ళీ ప్రథమస్థానంతో స్వర్ణ పతకం( గోల్డ్ మెడల్) సాధించగా, బెంగళూరు విద్యా సంవర్ధనీ పరిషత్ నుండి శ్రీ మల్లంపల్లి శరభయ్య గారి చేతుల మీదుగా బంగారు పతకంతో పాటు “ఆంధ్రభాషాభూషణ” అనే బిరుదును పొందారు.

బ్రహ్మశ్రీ వద్దిపర్తి పద్మాకర్‌ గురుదేవులు పొందిన ఇతర అవార్డులు, సత్కారాలు: 

సంవత్సరంబహూకరించిన వారు/సంస్థఅవార్డు/బిరుదు/పురస్కారాలు
1990శ్రీ శ్రీ శ్రీ  లక్ష్మణ యతీంద్రులుఅభినవశుక
1995హేలాపురీ సారస్వత సంస్థ వారు శ్రీ దేవరకొండ రామకృష్ణ IAS గారి చేతుల మీదుగా సరస్వతీపుత్ర
2000శ్రీ జొన్నవిత్తుల రామలింగేశ్వరరావు గారు సహస్రావధానంలోధారణాచిత్రగుప్త
2003శ్రీ శ్రీ శ్రీ గణపతి సచ్చిదానంద స్వామిధారణావేదావధాననిధి
2017శ్రీ శ్రీ శ్రీ గణపతి సచ్చిదానంద స్వామిప్రవచన నిధి

అవధాన కోకిల, పంచామృత ప్రవచక, ఆంధ్ర మురారి, ఆంధ్రభాషాభూషణ, భాగవత కళ్యాణ కృష్ణ, పౌరాణిక సార్వభౌమ, కవిరాజశేఖర, సహస్రపద్మ, అభినవ వేదభారతి, శ్రీ నన్నయ భట్టారక పీఠం సాహిత్యపురస్కారం,  ఆంధ్ర సారస్వత సమితి – మచిలీపట్నం ఉగాది అవార్డు.

ఇతర పురస్కారాలు: వరల్డ్ బుక్ ఆఫ్ రికార్డ్స్, వండర్ బుక్ ఆఫ్ రికార్డ్స్, జీనియస్ బుక్ ఆఫ్ వరల్డ్ రికార్డ్స్, తెలుగు బుక్ ఆఫ్ రికార్డ్స్, గోల్డెన్ బుక్ ఆఫ్ వరల్డ్ రికార్డ్స్ ఇలాంటివి మరెన్నో.

బ్రహ్మశ్రీ వద్దిపర్తి పద్మాకర్‌ గురుదేవులను:5 సువర్ణ ఘంటా కంకణ సత్కారాలు, 2 గండపెండేర సత్కారాలు, కనకాభిషేకం (బంగారపు జల్లు), పల్లకీలో ఊరేగింపు, ఏనుగు, గుఱ్ఱము, రథారోహణం లాంటి సత్కరాలు వరించాయి.

ఒకానొక సమయంలో బ్రహ్మశ్రీ వద్దిపర్తి పద్మాకర్ గురుదేవులకు తెల్లవారుజామున రైలులో ప్రయాణిస్తుండగా, సంస్కృతంలో 30 శ్లోకాలు పఠిస్తూ శ్రీమహాలక్ష్మీదేవి స్వప్న దర్శనమిచ్చి, ఆ శ్లోకాలను కవిత్వంగా వ్రాయమని గురుదేవులను అజ్ఞాపించారు. బ్రహ్మశ్రీ వద్దిపర్తి పద్మాకర్ గారు ‘మా’ నవకథ (మా = లక్ష్మి, నవ = తొమ్మిది, కథలు – కథలు) అని లక్ష్మీదేవి యొక్క తొమ్మిది కథలను పద్యకావ్యంగా రచించారు. ఈ కథల ద్వారా సనాతన ధర్మ సిద్ధాంతాలు సులభంగా వివరించబడ్డాయి. మార్చి 31, 2019న ఆంధ్రప్రదేశ్‌లోని గుంటూరులోని శ్రీ శారదా పరమేశ్వరీ దేవస్థానంలో ఈ పుస్తకాన్ని ఆవిష్కరించారు. ఈ సందర్భంగా శృంగేరి శారదాపీఠం జగద్గురువులు, శ్రీశ్రీశ్రీ భారతీతీర్థ మహాస్వామి గురుదేవులను ఆశీర్వదించారు. మహాస్వామివారు పిల్లలను మరియు సనాతన ధర్మసిద్ధాంతాలను విశ్వసించే ప్రతి ఒక్కరినీ ఈ పుస్తకాన్ని చదువమని సూచించారు. చాలా మంది భక్తులకు మహాస్వామి వారే నేరుగా ఈ పుస్తకాన్ని ఇచ్చి ఆశీర్వదించారు.

అష్టావధానాలు : 1246

శతావధానాలు : 12

  1. ఏలూరు
  2. విశాఖపట్నం
  3. తాడేపల్లిగూడెం
  4. చల్లపల్లి
  5. గుంటూరు
  6. రాజమండ్రి
  7. నరసరావుపేట
  8. హైదరాబాదు
  9. సికింద్రాబాద్
  10. హైదరాబాదు
  11. సికింద్రాబాదు
  12. హైదరాబాదు 

జంట అవధానాలు : 

  • శ్రీ కొండేపి మురళీ కృష్ణ గారితో కలిసి 6  మరియు  శ్రీ శ్రీచరణ్ పాలడుగు గారితో 2 అవధానములు నిర్వహించినారు 

హిందీ అవధానం : 

  • సెంట్రల్ హిందీ డైరెక్టరేట్, ఆగ్రాలో హిందీలో అవధానం చేసి ప్రముఖుల ప్రశంసలు పొందిన ఏకైక త్రిభాషా మహాసహస్రావధాని 

త్రిభాషా మహాసహస్రావధానం:

  • ఏలూరులో ఆంధ్ర, హిందీ, సంస్కృతభాషలలో మహాసహస్రావధానం చేశారు.

అద్వితీయ  ధారణ  : 

  • 756 పద్యాలు కదలకుండా 207 ని॥లలో (3గం॥27॥ ని ॥లలో) ధారణ చేసిన ఏకైకసహస్రావధాని.
  • భాగవతంలోని వేలాది పద్యాలు, ప్రాచీన కావ్యాలలోని వేలాది పద్యాలు ఆశువుగా చెప్పగలరు.

మరొక ప్రత్యేకత : 

  • భారత, భాగవత, రామాయణాలే కాక అష్టాదశ పురాణాలను ఉపన్యసించి, అంబికావారి ఆస్థాన పౌరాణికునిగా నియమితులైన ఏకైక సహస్రావధాని.

బిరుదులు :

  1. అభినవశుక
  2. ఆంధ్రమురారి
  3. ఆంధ్రభాషా భూషణ
  4. సరస్వతీపుత్ర
  5. కవిరాజశేఖర
  6. అవధానకోకిల 
  7. ధారణాచిత్రగుప్త (జొన్నవిత్తుల వారు ఇచ్చారు)
  8. భాగవత కళ్యాణకృష్ణ
  9. పంచామృత ప్రవచక 
  10. సహస్రపద్మ 
  11. పౌరాణిక సార్వభౌమ
  12. ధారణా వేదావధాననిధి (శ్రీశ్రీశ్రీ గణపతి సచ్చిదానంద స్వామీజీ వారు ఇచ్చారు)
  13. సప్త ఖండ అవధాన సార్వభౌమ

భాగవతసప్తాహ ప్రత్యేకత : 

  • ఆంధ్ర, కర్ణాటక, ఉత్తరప్రదేశ్, బీహార్, మధ్యప్రదేశ్, కేరళ,తమిళనాడులోను, నైమిశారణ్యము, శుకస్థల్, బృందావనాది పుణ్యక్షేత్రాలలోను భాగవత సప్తాహాలు చేశారు. 
  • భాగవతం మొత్తం పుస్తకం లేకుండా ప్రవచనం చేయగలిగిన ఏకైక సహస్రావధాని
  • వింధ్యాచలంలో దేవీ భాగవత నవాహ ప్రవచనములు చేసినారు.

సమర్థ సద్గురుత్వము : 

  • దాదాపు 1,00,000 మందికి పైగా మంత్రోపదేశాలు చేసి వారిని ఆధ్యాత్మికమార్గంలో నడుపుతూ ప్రణవ పీఠం స్థాపించి శిష్యుల చేత ‘సమర్థ సద్గురు’ బిరుదు పొందారు.

పూజ్య గురుదేవులు బ్రహ్మశ్రీ వద్దిపర్తి పద్మాకర్ గారి బోధనలు:

★ “ప్రతి ఒక్కరూ హిందూ మతాన్ని కాపాడాలి. లేకుంటే పురాణాలు నేర్చుకుని చదివినా ప్రయోజనం ఉండదు. అదే మతంలో ఉంటూ ధార్మిక సూత్రాలను పాటించడం ఉత్తమం.. మతాన్ని, ధర్మాన్ని మార్చుకోవడం మహాపాపం. (శ్రీమద్భగవద్గీత నుండి – 

“శ్రేయాన్ స్వధర్మో విగుణః | పరధర్మాత్ స్వనుష్ఠితాత్ | 

స్వధర్మే నిధనమ్ శ్రేయః | పరధర్మో భయావహః ||

★ దేవుడిని ఆరాధించండి! మీ ఇంటిని దేవాలయంలా చూసుకోండి. దేవుడు లేని ఇల్లు శ్మశానం లాంటిది. భగవంతునికి సమర్పించని ఆహారాన్ని తినడం శవభోజనంతో సమానం.

★ మానసిక క్షోభకు ప్రధాన కారణం ఇతరుల శ్రేయస్సు పట్ల అసూయ చెందడం. ఇతరుల కీర్తిని చూసి అసూయపడే వ్యక్తిని మహాలక్ష్మీదేవి విడిచిపెడుతుంది. మహాలక్ష్మీదేవి ఒంటరిగా వెళ్లదు, ఆమె సరస్వతీదేవిని కూడా తనతో తీసుకువెళుతుంది.

★ ఎట్టి పరిస్థితుల్లోనూ, ఇతరుల పట్ల క్రూర స్వభావాన్ని మానుకోండి మరియు ఎవరినీ దుర్భాషలాడకండి.

★ ఇంట్లో సాలగ్రామం మరియు శివలింగాన్ని ఉంచండి. సాలగ్రామాలను విష్ణుస్వరూపంగా భావిస్తారు. ప్రతి ఇంట్లో సాలగ్రామాలు ఉంచడం మరియు అభిషేకం చేయడం చాలా శ్రేయస్కరం. అభిషేకజలం మానవులకు అన్ని పాపాలను దూరం చేస్తుంది.

★ భగవంతుని నామాన్ని నిరంతరం స్మరించే మరియు పఠించే వ్యక్తులు స్వర్గానికి చేరుకుంటారు. కర్మను నివారించడానికి, సద్గురువుల నుండి మంత్రాన్ని స్వీకరించాలి మరియు ఆ మంత్రాన్ని నిరంతరం జపించాలి. “

సన్మానాలు : 

  1. పల్లకీ ఊరెరిగింపు (ఏలూరు) 
  2. హెలికాప్టర్ అధిరోహణ 
  3. సువర్ణ కంకణధారణ
  4. రథారోహణ, బృందావనం, ఆగ్రా జిల్లా, ఉత్తరప్రదేశ్, ఇవి కాక అసంఖ్యాకంగా ప్రజా సత్కారాలు
  5. ఏలూరులో గజారోహణ మరియు గండపెండేర సత్కారాలు.

రచనలు :

  1. కలకింకిణులు(ముద్రితం) 
  2. శ్రీ సత్యసాయి సప్తశతి(ముద్రితం)
  3. శ్రీనీలకంఠేశ్వర శతకం(ముద్రితం)
  4. హనుమన్మహిమ(అముద్రితం) 750 పద్యాల ఖండ కావ్యం, ‘మానవకథ’ పద్యకావ్యం, ఇంకా పలు కథలు, వ్యాసాలు.

రూపకాలు : 

  • వందలాది రూపకాలు నిర్వహించారు, భువన విజయంలో తెనాలి రామకృష్ణ, అవధాని విజయంలో  చెళ్ళపిళ్ళ, సుధర్మా సభలో నారద పాత్రలు ప్రత్యేకాలు.

ఆశు కవితలో ప్రత్యేకత: 

  • 90 ని॥లలో 180 పద్యాలు ఆశువుగా చెప్పుట.

పాదయాత్రా ధురీణత :

  • వేలాది భక్తులతో ఆంధ్రాలోని ద్వారకాతిరుమల, విజయవాడ కనకదుర్గ ఆలయం మొదలైన  ప్రముఖ దేవాలయములకు  పాదయాత్ర చేయించుట. 

పీఠాధిపతుల సత్కారాలు :

  1.  శృంగేరీ పీఠాధిపతులు శ్రీ శ్రీ శ్రీ భారతీ తీర్థ మహాస్వామి వారు 
  2. శ్రీసత్యసాయిబాబా 
  3. శ్రీగణపతి సచ్చిదానందస్వామిజీ
  4. శ్రీవిశ్వయోగి విశ్వంజీ
  5.  శ్రీవాడేకర్మహారాజ్ వంటి ప్రముఖ పీఠాధిపతుల సత్కారాలు పొందారు.

ఆస్థాన విద్వాంసులు :  

  • 2003సం॥ మే నెల నుండి అవధూత దత్తపీఠము మైసూర్ వారి ఆస్థానవిద్వాంసులుగా నియమింపబడిరి.

విదేశీ పర్యటనలు :

  • పురాణ ప్రవచనములు, సాహిత్యోపన్యాసాలు, అవధానాల  నిమిత్తం   సం॥ 2006 నుండి ప్రతి సంవత్సరము ఏప్రిల్, మే నెలలో అమెరికా లో ఉన్న కొన్ని ముఖ్యమైన పట్టణాలలో పర్యటిస్తుంటారు.
  • సింగపూర్ లో ది.29-04-2006 నుండి ది.05-05-2006 వరకు అవధానాలు ప్రవచనాలు చేశారు చేశారు.
  • దుబాయిలో ది.01-04-2008 నుండి ది.06-04-2008 వరకు పంచాంగ ప్రవచనములు, పురాణ ప్రవచనములు చేసారు

బ్రహ్మశ్రీ వద్దిపర్తి పద్మాకర్ గురించి కొన్ని ఆధ్యాత్మిక విశేషాలు:

“ధారణావేదావధాననిధి. వ్యాసుడు, పోతన కలయికతో జన్మించిన ధన్యజీవి (పుణ్యాత్ముడు) బ్రహ్మశ్రీ వద్దిపర్తి పద్మాకర్ … “

                                                     – శ్రీశ్రీశ్రీ గణపతి సచ్చిదానంద స్వామి, మైసూరు.

“శ్రీమద్ భాగవతం శ్రీ పద్మాకర్ రూపంలో ఉద్భవించింది. (2008లో పుట్టపర్తిలో ‘ప్రహ్లాదచరిత్ర’ ప్రవచనం సందర్భంగా.”

  – భగవాన్ శ్రీ సత్యసాయి బాబా, పుట్టపర్తి.

“శ్రీ పద్మాకర్ గారి కవిత్వం చాలా బాగుంది. ప్రతి ఒక్కరూ తెలుసుకోవలసిన కథలు ఇవి.”

      – శ్రీశ్రీశ్రీ భారతీ తీర్థ మహాస్వామి, శృంగేరి శారదా పీఠం.

“ధన్యజీవి (బ్లెస్డ్ సోల్) పద్మాకర్. అతను పార్వతీదేవి యొక్క వైభవంతో జన్మించారు.

                                                              – శ్రీ శ్రీ శ్రీ జయేంద్ర సరస్వతి స్వామి, కంచి కామకోటి మఠం.

“శతావధానం”లో శ్రీ పద్మాకర్ ధారణ గొప్పతనాన్ని నేను ప్రత్యక్షంగా చూశాను. శ్రీకృష్ణభగవానుని సంపూర్ణ అనుగ్రహం కలిగిన వారు శ్రీ పద్మాకర్. (1997లో విశాఖపట్నంలో శ్రీ పద్మాకర్ గారి “శతావధానం” ధారణ సందర్భంగా)

              – శ్రీమాన్ శ్రీభాష్యం అప్పలాచార్యులు,విశాఖపట్నం.

“శుకమహర్షి రూపాంతరం చెందిన రూపం శ్రీ పద్మాకర్ గారు”.

        – శ్రీశ్రీశ్రీ లక్ష్మణ యతీంద్రులు, పెదముత్తేవి.

expand_less