"కాలం - అనుకూలం
ప్రతిరోజూ పంచాంగం తెలుసుకొంటే ఈ క్రింది ప్రయోజనములు కలుగుతాయని శాస్త్రం.
తిథి - సంపదలు కలుగుతాయి (15 తిథులు: శుక్ల, కృష్ణ పక్షములలో) వారము - ఆయుష్షు పెరుగుతుంది (7 రోజులు) , నక్షత్రము - పాపము తొలగుతుంది (27 నక్షత్రములు) యోగము -రోగనివారణము (27 యోగములు) కరణం - కార్యసిద్ధి (11 కరణములు)
卐ॐ ఓం శ్రీ గురుభ్యోనమః ॐ卐
🌟 ఫిబ్రవరి 05 2025 🌟
శ్రీ క్రోధి నామ సంవత్సరం
ఉత్తరాయణం శిశిర ఋతువు మాఘ మాసము శుక్ల పక్షం

తిథి: సప్తమి ఉ.7.09 కు తదుపరి అష్టమి 6 తె.4.49
వారం: సౌమ్యవారము (బుధవారం)
నక్షత్రం: భరణి రా.11.19 కు తదుపరి కృత్తిక 6 రా.9.48 కు
యోగం: శుక్ల రా.8.18 కు తదుపరి బ్రహ్మ 6 సా.06.41 కు
కరణం: విష్టి మ.1.32 కు తదుపరి బవ రా.12.36 కు
రాహుకాలం: మ. 12.00 - 01.30 కు
దుర్ముహూర్తం: మ.12.07-12.52 కు
వర్జ్యం: ఉ.9.52 - 11.22 కు
అమృతకాలం: సా.4.00-5.31 కు
సూర్యోదయం: ఉ.  6:31 కు
సూర్యాస్తమయం: సా. 5:51 కు

🕉️శ్యామలానవరాత్రులు 7వ రోజు, భీష్మాష్టమి, బుధాష్టమి🕉️

గురుబోధ:
ఈ రోజు సంతానార్థులైన వారు భీష్మోద్దేశ్యముగా శ్రాద్ధము ఆచరించవలెను. భీష్మ తర్పణం, అర్ఘ్యం మాత్రము(తల్లి తండ్రులు ఉన్నవారు కూడా) అందరూ చేయవలసినదే. 
వైయాఘ్ర పదగోత్రాయ ౹ సాంకృత్య ప్రవరాయచ ౹౹
గంగాపుత్రాయ భీష్మాయ ౹ ఆజన్మ బ్రహ్మచారిణే౹౹
అపుత్రాయ జలందద్యాం ౹ నమో భీష్మవర్మణే ౹౹
భీష్మశ్శాంతనవో వీరః ౹ సత్యవాదీ జితేంద్రియః ౹౹
అభిరద్భి రవాప్నోతు ౹ పుత్ర పౌత్రోచితాంక్రియామ్ ౹౹
తర్పణ క్రమః
1. వైయాఘ్రపద గోత్రం సాంకృత్య ప్రవరం గంగాపుత్రం భీష్మ వర్మాణం
   తర్పయామి -  3 సార్లు
2. ఆజన్మ బ్రహ్మచారిణం  అపుత్రాయ భీష్మవర్మాణం 
  తర్పయామి - 3సార్లు
3. శంతను తనూభావం వీరం సత్యవాదినం జితేంద్రియం
భీష్మవర్మాణం తర్పయామి - 3సార్లు
ఈ రీతిగా తర్పణమిచ్చి సవ్యంగా ఈ క్రింద శ్లోకంతో అర్ఘ్యం ఇవ్వవలెను.
శ్లో.  వసూనామవతారాయ ౹ శంతనోరాత్మజాయచ ౹౹ 
అర్ఘ్యం దదామి భీష్మాయ  ౹ ఆబాల్య బ్రహ్మచారిణే ౹౹
ఇతిభీష్మ తర్పణ విధిః
1) భీష్ముడు యుద్ధరంగంలో పడిపోయి కూడా ఈ మాఘ మాసం  వచ్చేదాకా ప్రాణాన్ని శరీరంలో నిలబెట్టుకున్నాడు. మాఘ మాసం లో శ్రీకృష్ణుడిని స్మరిస్తూ శరీరం విడిచిపెట్టాడు. 
2) భీష్ముడు మాఘ మాసం లో అష్టమి నాడు హరిని అనేక నామాలతో స్తోత్రం చేసాడు. పుండరీకాక్ష, వాసుదేవ, వరద, అప్రమేయ అని స్తోత్రం చేసాడు. అందుకే ఈ అష్టమికి భీష్మాష్టమి అని పేరు వచ్చింది. ఈ అష్టమి నాడు భక్తి శ్రద్ధలతో హరి నామం చేసేవాడు. శరీరం విడిచిపెట్టాక నరకం ముక్తి పొందాడు.

"