కాలం – అనుకూలం
ప్రతిరోజూ పంచాంగం తెలుసుకొంటే ఈ క్రింది ప్రయోజనములు కలుగుతాయని శాస్త్రం.
తిథి – సంపదలు కలుగుతాయి (15 తిథులు: శుక్ల, కృష్ణ పక్షములలో) వారము – ఆయుష్షు పెరుగుతుంది (7 రోజులు) , నక్షత్రము – పాపము తొలగుతుంది (27 నక్షత్రములు) యోగము -రోగనివారణము (27 యోగములు) కరణం – కార్యసిద్ధి (11 కరణములు)
卐ॐ ఓం శ్రీ గురుభ్యోనమః ॐ卐
🌟 సెప్టెంబరు 24 2026 🌟
శ్రీ పరాభవ నామ సంవత్సరం
దక్షిణాయనం వర్ష ఋతువు భాద్రపద మాసము శుక్ల పక్షం
తిథి: త్రయోదశి రా.9.45 కు తదుపరి చతుర్దశి 25 రా.10.05 కు
వారం: బృహస్పతివారము (గురువారం)
నక్షత్రం: ధనిష్ఠ ఉ.10.13 కు తదుపరి శతభిషం 25 ఉ.11.23 కు
యోగం: *ధృతి సా.3:54 కు తదుపరి శూల 25 మ.2:50 కు
కరణం: కౌలవ ఉ.11:09 కు, తైతుల రా.11:18 కు తదుపరి గరజి 25 ఉ.11:09 కు
రాహుకాలం: మ. 01.30 – 03.00 కు
దుర్ముహూర్తం: ఉ.10.08 – 10.56 కు, మ. 2.55 – 3.43 కు
వర్జ్యం: సా.5.45 – 7.26 కు
అమృతకాలం: తె. 03.55 – 05.34 కు
సూర్యోదయం: ఉ. 6.09 కు
సూర్యాస్తమయం: సా. 6.07 కు
గురుబోధ:
మనం ఎంత భక్తులమైనా, ఉపాసకులమైనా పితృకార్యములు చేయనివారికి కష్టాలు తప్పవు. సాక్షాత్తు రాముడు, కృష్ణుడు కూడా పితృకార్యక్రమాలు చేసారు. మనం చేయకపోతే ఎలా?
శ్రాద్ధం నాడు తప్పక తర్పణాలు విడవాలి. వాటికి మినహాయింపు లేదు. శ్రాద్ధములో కొన్ని విధానాలు.
- క్షణ శ్రాద్ధం – యోగ్యులైన భోక్తలను విశ్వే, పితృస్థానాలలో ఆహ్వానించి శాస్త్రోక్తంగా శ్రాద్ధం జరిపించడం.
- కూర్చ శ్రాద్ధం – యోగ్యులు దొరకకపోతే, దర్భలలో విశ్వే, పితృదేవతలను ఆహ్వానం చేసి శాస్త్రోక్తంగా శ్రాద్ధం జరిపించడం.
- ఆమ శ్రాద్ధం – పై రెండు కుదరనప్పుడు స్వయంపాకం, దక్షిణతో దానం ఇవ్వడం.
- హేమ శ్రాద్ధం – పై 3 కుదరనప్పుడు, శ్రాద్ధముకు తగిన బంగారం, వెండి లేదా ధనమును దానం చేయడం.
- సంకల్ప తర్పణము – పై 4 కుదరనప్పుడు సంకల్పం చెప్పుకొని అర్ఘ్యం, తర్పణం మొ|| ఇవ్వడం.
- గోగ్రాస ప్రదానము – పై 5 కుదరనప్పుడు గోవుకు యథాశక్తి గ్రాసం సమర్పించి, గోవుకు, పితృదేవతలకు నమస్కరించడం.
- పితృ ప్రార్థన – రెండు చేతులెత్తి ఆకాశం వైపు చూస్తూ పితృదేవతలారా! నేను పైన చెప్పిన ఏ విధమైన శ్రాద్ధం పెట్టలేను. నా దగ్గర ధనం లేదు. కనీసం గోవుకు గ్రాసం కూడా ఇచ్చే స్థితిలో లేను. దయచేసి నన్ను మన్నించండని ప్రార్థించాలి.