కాలం - అనుకూలం
ప్రతిరోజూ పంచాంగం తెలుసుకొంటే ఈ క్రింది ప్రయోజనములు కలుగుతాయని శాస్త్రం.
తిథి - సంపదలు కలుగుతాయి (15 తిథులు: శుక్ల, కృష్ణ పక్షములలో) వారము - ఆయుష్షు పెరుగుతుంది (7 రోజులు) , నక్షత్రము - పాపము తొలగుతుంది (27 నక్షత్రములు) యోగము -రోగనివారణము (27 యోగములు) కరణం - కార్యసిద్ధి (11 కరణములు)
卐ॐ ఓం శ్రీ గురుభ్యోనమః ॐ卐
🌟 ఫిబ్రవరి 08 2024 🌟
శ్రీ శోభకృతు నామ సంవత్సరం
ఉత్తరాయనం హేమంత ఋతువు పుష్య మాసము కృష్ణ పక్షం

తిథి: త్రయోదశి ఉ.  9.35 కు తదుపరి చతుర్దశి
వారం: బృహస్పతివారము (గురువారం)
నక్షత్రం: ఉత్తరాషాఢ రా.  1.49 కు తదుపరి శ్రవణం
యోగం: సిద్ధి రా.  11.10 కు తదుపరి వ్యతీపాత
కరణం: వణిజ ఉ.  11.17 కు తదుపరి విష్టి
రాహుకాలం: మ. 01.30 -  03.00 కు
దుర్ముహూర్తం: ఉ.  10.36 - 11.22 కు & మ.  03.11 - 03.57 కు
వర్జ్యం: తె.  5.36 - 7.12 కు & ఉ.  10.31 - 12.02 కు
అమృతకాలం: రా.  7.46 - 9.17 కు
సూర్యోదయం: ఉ.  6.46 కు
సూర్యాస్తమయం: సా.  6.15 కు

🕉️👉మాసశివరాత్రి👈🕉️

గురుబోధ:
తనకు తోచినప్పుడల్లా అనేక పార్ధివలింగాలని తయారుచేసుకుని, వీలున్నప్పుడల్లా అర్చన చేసేవాడు, అందులో ముఖ్యంగా సోమవారం కానీ, చతుర్దశి నాడు కానీ, మాసశివరాత్రి నాడు కానీ, అష్టమినాడు కానీ, శివరాత్రి నాడు కానీ ఇటువంటి పర్వదినాలలో లెక్కపెట్టకుండా తోచినన్ని పార్ధివలింగాలని చేసి పూజించువాడు ముక్తి పొంది తీరుతాడు. నాకు భూమి కావాలి, కాస్త స్థలమో, పొలమో కావాలి అనుకున్నవాడు వెయ్యి పార్ధివలింగాలని భక్తితో పూజించినవాడు, అభిషేకించినవాడు తప్పక భూమిని పొందుతాడు. శివానుగ్రహం ఒకటే కావాలనుకున్న వాడు, పరమేశ్వరుని యెుక్క కరుణ కావాలనుకున్న వాడు, 3000 పార్ధివలింగాలని అభిషేకం చేసుకోవాలి. అభిషేకాలు, అర్చనలు ఇంట్లో కంటే  గుడిలో, గుడిలో కంటే తీర్ధ స్థలాలలో, నదీ తీరాలలో ఇంకొంచెం ఎక్కువ ఫలితాన్ని ఇస్తాయి. అదే గంగానదీ తీరంలో చేసుకుంటే ఎక్కువ ఫలితం ఇస్తుంది. కాశీ వంటి దివ్య క్షేత్రాలలో గంగాతీరంలో చేసుకుంటే అనంత ఫలితం ఇస్తుంది. ఇలా వారి వారి శక్తిని బట్టి చేసుకోమన్నారు. ఆర్ధికంగా చితికిపోయిన వారికి ఇది ఒక గొప్ప అవకాశం. శివుడు అవ్యాజకరుణామూర్తి. ఒకవేళ మన దగ్గర ధనం లేదు, అభిషేకము చేయడానికి పంచామృతాలు లేవు, అప్పుడు ఇన్ని నీళ్లు జల్లినా సంతోషిస్తాడు. - శ్రీ శివమహాపురాణం. 

శ్రీ శివ సహస్రనామ స్తోత్రమ్👇


శ్రీ దక్షిణామూర్తి స్తోత్రమ్👇